Archive Pages Design$type=blogging


बीटकॉईन – समज आणी गैरसमज

आपण बीटकॉईनबद्दल सर्वसाधारणपणे विचारल्या जाणाऱ्या प्रश्नांची उत्तरे जाणून घेऊ. बीटकॉईनबद्दल असलेले समज अधिक दृढ व्हावेत आणी गैरसमज दूर होण्यास मदत व्हावी, असा यामागे उद्देश आहे.

बीटकॉईन – समज आणी गैरसमज
आपण या आधीच्या दोन भागांमध्ये बीटकॉईनबद्दल माहिती घेतली, एव्हाना तुमचे बीटकॉईन खाते तयारही झाले असेल, आज आपण बीटकॉईनबद्दल सर्वसाधारणपणे विचारल्या जाणाऱ्या प्रश्नांची उत्तरे जाणून घेऊ. बीटकॉईनबद्दल असलेले समज अधिक दृढ व्हावेत आणी गैरसमज दूर होण्यास मदत व्हावी, असा यामागे उद्देश आहे. तुम्ही जर बीटकॉईनबद्दलचे दोन्ही लेख वाचले नसतील तर बीटकॉईन बद्दल कल्पना येण्यासाठी ते अवश्य वाचा. इथे बीटकॉईनबद्दल सर्वसाधारणपणे विचाण्यात येणार्या प्रश्नांची उत्तरे दिली असली तरी आधीच्या लेखांमध्ये बऱ्यापैकी उत्तरे सापडतील.

 जर तुम्हाला या व्यतिरिक्त इतर प्रश्नांबद्दल उत्तर हवे असेल तर इथे जरूर मांडा, आम्ही किंवा संबंधित तज्ञ वाचक उत्तर देण्याचा पूर्ण प्रयत्न करू, तत्पुर्वी हे भाग पहा







१) बीटकॉईनचा जनक कोण?
- बीटकॉईनसारख्या आभासी चलनाचा उल्लेख सर्वप्रथम (Wei Dai) यांनी १९९८ मध्ये त्यांनी पाठवलेल्या पत्रांमध्ये केला होता, ज्यात त्यांनी सुरक्षित अशा चलनाच्या नव्या विकेंद्रित स्वरूपाबाबत कल्पना मांडली होती, पण बीटकॉईन अस्तित्वात आणण्याचे श्रेय सातोशी नाकामोटो (Satoshi Nakamoto) या अज्ञात संगणक तज्ञाला जाते, ज्याने २००९ मध्ये बीटकॉईन जगापुढे आणले, पण हेही तितकेच खरे आहे ही व्यक्ती कधीही प्रत्यक्षपणे जगापुढे आली नाही आणी २०१० नंतर सातोशीने गेविन एड्रेंसेन (Gavin Andressen) या संगणक तज्ञाकडे बीटकॉईनचा पसारा सोपवून या प्रकल्पातून निरोप घेतला, आज गेविन बीटकॉईन फौंडेशन (Bitcoin Foundation) मध्ये प्रमुख व्यवस्थापक म्हणून काम पहात आहे आणी सातोशी बद्दल कोणाकडेही माहिती नाही.

२) बीटकॉईन म्हणजे झटपट श्रीमंत होण्याचा मार्ग आहे का?
- अनेक लोक आज बीटकॉईनकडे झटपट श्रीमंत होण्याचा मार्ग म्हणून बघत आहेत, पण जर एखादी व्यक्ती बीटकॉईनमध्ये गुंतवणूक करत असेल तर अशा गोष्टी फक्त धोकादायक गुंतवणूक म्हणून पाहायला हव्यात, कारण हे चलन कोणत्याही केंद्रित संस्थेकडून किंवा सरकारकडून नियंत्रित होत नाही, त्यामुळे गुंतवणुकीतून अपेक्षित मोबदला मिळेल कि नाही हे वर्तवणे कठीण आहे. जाणकार, क्लिष्ट तांत्रिक बाबी, असुरक्षित चलन, अस्थिर किंमत अशा सगळ्या बीटकॉईन मध्ये सध्यातरी गुंतवणूक न करण्याचा सल्ला देतात.

३) बीटकॉईन म्हणजे फसवी स्कीम आहे का?
- नाही, एखाद्या फसव्या स्कीम मध्ये स्कीम सुरु करणाऱ्यांचा हेतूच मुळात लुबाडणूक हा असतो, पण बीटकॉईनची सुरुवात एक पर्यायी चलनाच्या स्वरुपात झाली आहे त्यामुळे याला फसवी स्कीम  म्हणणे अयोग्य ठरेल, पण सध्या बीटकॉईनच्या उदयाचा काळ सुरु आहे आणी त्याबाबत आवश्यक तेवढ्या प्रमाणात जागरूकता निर्माण न झाल्यामुळे अज्ञानाचा गैरफायदा घेऊन कोणीही, कोणाचीही फसवणूक करू शकतो.

४) बीटकॉईन कोणाला वापरता येतात?
- आज या घडीला वैध बीटकॉईन (Bitcoins without hacking or cracking) वापरण्यापासून कोणाचीही अडवणूक करता येत नाही अर्थात मला, तुम्हाला किंवा चक्क अंडरवर्ल्डमधीलही कोणाला बीटकॉईन वापरण्यापासून रोखण्याची यंत्रणा आज अस्तित्वात नाही ज्याने याचा गैरवापर होण्याची शक्यता कैक पटीने वाढते.

५) बीटकॉईनचे पाकीट चुकून डिलीट झाले तर?
- तुमच्याकडे असलेले बीटकॉईनचे पाकीट जर चुकून डिलीट झाले तर त्यात असलेले बीटकॉईनसुद्धा एका अर्थी नष्ट होतात, हे म्हणजे राष्ट्रीय चलनांच्या बाबतीत नोटा हरवण्यासारखे आहे. तुम्ही तुमचे पाकीट सेवा पुरवठादाराकडून पुन्हा मिळवण्यात यशस्वी झालात तरच ते बीटकॉईन पुन्हा पाकिटात जोडले जातात, यात लक्षात घेण्यासारखा भाग असा की पाकीट डिलीट झाल्यावर बीटकॉईन त्यांच्या शृंखलेतून (Block) नष्ट होत नाहीत पण ते वापरण्यासाठी आवश्यक असणारा गुप्त कोड (Private Key) कोणालाच माहिती नसल्यामुळे ते खर्च करता येत नाही.

६) बीटकॉईन बेकायदेशीर आहेत का?
- सध्यातरी कोणत्याही देशातील प्रशासनाने बीटकॉईन बेकायदेशीर ठरवलेले नाही, पण चीन, थायलंड सारख्या देशांनी बीटकॉईनच्या वापरावर काही प्रमाणात बंधने आणली आहेत. इतरही अनेक देश अशा प्रकारे आभासी चलनांच्या वापरावर बंधने आणू शकतात.

७) पारंपारिक चलनांच्या तुलनेत बीटकॉईनची किंमत कशी ठरवली जाते?
- आपण या विषयी गेल्या भागात वाचले, इथे उदाहरण पाहुयात – जर आज एकाच वेळी जगातील बहुतांश लोकांनी बीटकॉईन वापरायला सुरुवात केली तर बीटकॉईनची जागतिक बाजारातील किंमत देखील त्याच प्रमाणात वाढेल आणी जर आज बीटकॉईन वापरत असलेल्या बहुतांश वापरकर्त्यांनी बीटकॉईन वापरणे बंद केले तर बीटकॉईनच्या किमतीत त्याच प्रमाणात घट होईल. काही नियम, अपवाद वगळता हे उदाहरण प्रमाण मानायला हरकत नाही.

८) बीटकॉईनचा प्रयोग हा सध्या लोकप्रिय असला तरी तो अपयशी होऊ शकतो का?
- हो, आतापर्यंतच्या इतिहासात आपल्याला झिम्बावेयन डॉलर, जर्मन मार्क सारखी चलनं अपयशी होण्याची उदाहरणे सापडतील, बीटकॉईन देखील अपयशी होण्याची शक्यता कोणीही नाकारू शकणार नाही, पण आधी झालेल्या चुका बीटकॉईन मध्ये कटाक्षाने टाळण्यात आल्या आहेत, तरीदेखील तांत्रिक अडचणींमुळे किंवा इतर कारणांमुळे बीटकॉईनचा प्रयोग अपयशी होऊ शकतो.

९) बीटकॉईन पाठवण्यासाठी किंवा स्वीकारण्यासाठी काय आवश्यक आहे?
- तुम्ही जर पेपल वापरत असाल तर तुम्हाला ज्याप्रमाणे पेपल खात्याशी सलग्न ई-मेल पत्ता वापरून पैसे स्वीकारता किंवा पाठवता येतात (भारतात पेपलद्वारे पैसे पाठवता येत नाहीत)  त्याचप्रमाणे बीटकॉईनचे व्यवहार करण्यासाठी तुम्हाला बीटकॉईनच्या पाकिटाशी सलग्न पत्ता दिला जातो जो ई-मेल पत्यापेक्षा वेगळ्या प्रकारचा असतो (उदाहरणार्थ - 1AGNa15ZQXAZUgFiqJ2i7Z2DPU2J6hW62i) लक्षात ठेवायला कठीण असला तरीही सुरक्षिततेच्या दृष्टीकोनातून असा पत्ता आवश्यक आहे.

१०) बीटकॉईन वापरून काय विकत घेता येईल?
- सध्या अमेझॉन, फ्लिपकार्ट सारख्या संकेतस्थळांनी बीटकॉईन स्वीकारण्याबाबत रस दाखवला नसला तरीही इतर अनेक संकेतस्थळांवर बीटकॉईन स्वीकारले जातात अशा संकेस्थळांवर उपलब्ध असलेल्या गोष्टी/सेवा तुम्ही विकत घेऊ शकता किंवा ज्या ठिकाणी बीटकॉईनचा पर्यायी चलन म्हणून स्वीकार केला आहे अशा ठिकाणीही तुम्ही बीटकॉईन खर्च करू शकता. भविष्यात जर हा प्रयोग यशस्वी झाला तर अमेझॉन, फ्लिपकार्ट सारखी अनेक संकेतस्थळे बीटकॉईनचा स्वीकार करतील हे नक्की.

११) तुमचे बीटकॉईन सुरक्षित कसे ठेवाल?
- तुम्ही जर एकापेक्षा अधिक बीटकॉईन्सचे व्यवहार वारंवार करत असाल तर बीटकॉईन ठेवण्यासाठी ऑफलाइन पाकीट वापरणे कधीही चांगले, पण ऑफलाइन पाकीट वापरताना तुमचा एन्टीवायरस सतत अद्ययावत ठेवा आणी संगणकावरील माहिती पुसली जाणार नाही (फॉरर्मेट) याची काळजी घ्या. बीटकॉईन ऑनलाइन किंवा ऑफलाइन वापरताना तुमचे संकेताक्षर (पासवर्ड) अधिकाधिक कठीण आणी गुंतागुंतीचा पण तुम्हाला सदैव लक्षात राहील असा निवडा.

१२) बीटकॉईन ऑनलाईन गुंतवल्यावर अपेक्षित परिणाम मिळतील का?
- तुम्ही ऑनलाईन बीटकॉईन गुंतवल्यावर मिळणारे परिणाम हे गुंतवणुकीचे ठिकाण, आणी समोरील व्यक्ती/कंपनी यावर अवलंबून असतात, त्यामुळे याबद्दल कोणतीही हमी देता येत नाही, शिवाय समोरील व्यक्ती/कंपनीचा हेतू देखील तितकाच महत्वाचा आहे. सर्व बाबींचा विचार करून, ऑनलाइन चर्चा मसलती करून/पाहून निर्णय घेणे कधीही श्रेयस्कर ठरते.

          आज बीटकॉईन हे एक उदयोन्मुख चलन आहे, काहींच्या मते बीटकॉईन जागतिक आर्थिक व्यवस्थेला खिळखिळी करू शकतात तर काहींच्या मते बीटकॉईन पारंपारिक चलनांच्या त्रुटींवर एक किफायतशीर आणी प्रभावी उपाय आहे. आज वस्तुस्थिती अशी आहे की कोणीही तज्ञ खात्रीशीरपणे बीटकॉईनचे भविष्य वर्तवू शकत नाही. माझ्या मते (तज्ञ नव्हे) आवश्यक पण तरीही व्यवहार्य कायद्यांचा आणी बीटकॉईनचा सुबक मेळ घातला तर जागतिकीकरणाच्या समुद्रात आंतरजालाच्या बोटीतून सुरक्षित जलविहाराचा आनंद आपणा सर्वांनाच घेता येईल.
          बीटकॉईन अधिक सुरक्षित कसे करता येईल? बीटकॉईन वापरण्यासाठी नियम/कायदे असावेत का? तुम्हाला काय वाटते? बीटकॉईनच्या वापरामुळे जागतिक अर्थव्यवस्थेवर परिणाम होतील का? मांडा तुमची मते..

COMMENTS

Say Something
Name

Android Animals Appearance Atoms Bitcoin Comfortable Compare Computer Creativity Earth English english - marathi English - Marathi Entertainment - मनोरंजन Entrepreneurship - उद्योजकता Environment File Size Flash Transfer Fonts Freecharge General Knowledge Go Green Hampi Health Information Internet Internet Download Manager Journey Keep Calm Posters Lava Leadership - नेतृत्वगुण Maintaince Marathi Mobile Recharge MP3 Mysore Olx Personality Development - व्यक्तिमत्व विकास Photography - छायाचित्रण Quotes Corner Sandalwood Savings Self Improvement Smartphone Soft Key Revealer Software Sudoku Support Technology Technology - तंत्रज्ञान Temple Run Tips Tourist Leaflet Utility Websites windows Windows Windows 8 Transformation Pack Windows In A Box Windows Socket Windows XP इंटरनेट इंटरनेट डाऊनलोड मॅनेजर उपयुक्तता कालयंत्र गाणी/फोटो/व्हिडियो लपवा गुगल चलन जबाबदारी जाहिराती तंत्रज्ञान देखावा पैसे कमवा फ्रिचार्ज बचत बालवैमानिक बीटकॉईन ब्लड बँक ब्लु-टूथ मराठी माहिती तंत्रज्ञान माहितीपर लेख रक्तदात्यांची माहिती रक्तदान वाय-फाय विंडोज विंडोज ८ ट्रांसफॉर्मेशन पॅक विंडोज इन ए बॉक्स विनामुल्य वेबसाईट बनवा संकेतस्थळे संगणक सुडोकु सॉफ्ट कि रीव्हेलर सोलर चार्जर
false
ltr
item
Infobulb : Knowledge Is Supreme: बीटकॉईन – समज आणी गैरसमज
बीटकॉईन – समज आणी गैरसमज
आपण बीटकॉईनबद्दल सर्वसाधारणपणे विचारल्या जाणाऱ्या प्रश्नांची उत्तरे जाणून घेऊ. बीटकॉईनबद्दल असलेले समज अधिक दृढ व्हावेत आणी गैरसमज दूर होण्यास मदत व्हावी, असा यामागे उद्देश आहे.
http://1.bp.blogspot.com/-EECZT3hh-vA/UwGe6qWtqII/AAAAAAAABhw/9NnMYoOkuzo/s1600/Bitcoin.jpg
http://1.bp.blogspot.com/-EECZT3hh-vA/UwGe6qWtqII/AAAAAAAABhw/9NnMYoOkuzo/s72-c/Bitcoin.jpg
Infobulb : Knowledge Is Supreme
http://www.infobulb.org/2014/03/bitcoin-faqs.html
http://www.infobulb.org/
http://www.infobulb.org/
http://www.infobulb.org/2014/03/bitcoin-faqs.html
true
7595562498527964889
UTF-8
Not found any posts VIEW ALL Read More Reply Cancel reply Delete By Home PAGES POSTS View All DON'T MISS LABEL ARCHIVE SEARCH Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec Just now 1 minute ago $$1$$ Minutes ago 1 Hour ago $$1$$ Hours ago Yesterday $$1$$ Days ago $$1$$ Weeks ago More than 5 weeks ago

Anandwan, Baba Amte